Magkatabing nakatayo sila Rohem at Tattered sa harapan ng bintana. Kapwa nakatingin ang dalawa sa labas at tinitingnan ang paligid. Nakatulog na si Ripped dahil sa pagod sa paglalaro nila ni Rohem kanina. Naging masaya ang dalawa sa paglalaro nila at hindi inakala ni Rohem na masaya palang makipaglaro sa isang bata. Aminado naman kasi siya na hindi ganoon kahilig sa bata pero nakapalagayan niya kaagad ng loob si Ripped. Natutuwa siya dahil mabait itong bata kahit na medyo makulit din.
“Ang daming laruan ni Ripped. Siguro masyado siyang spoiled sayo,” ani Rohem matapos ang ilang minutong katahimikan sa pagitan nila ni Tattered.
Napatingin naman sandali si Tattered kay Rohem. Ngumiti siya ng maliit saka ibinalik rin ang tingin niya sa labas ng bintana.
“Sabihin na nating oo. Ayoko din kas
