Kapag inlove ka, kahit na ang pinakasimpleng bagay, nagiging mas espesyal lalo na kung may kinalaman siya.
Mag-isang nakatayo sa terrace ng mansyon si Rohem habang nakatitig sa kawalan. Napapangiti ang labi niya na parang tanga pero para sa kanya, kung katangahan man itong ginagawa niyang pagngiti mag-isa, gusto na niyang maging tanga dahil sa totoo lang, kaya lang naman siya napapangiti ay dahil sa sobrang saya niya.
“Ngayon lang ako nakaramdam ng ganito katinding saya. Iyong tipo ng saya na parang walang katapusan at dahil iyon kay Tattered. Sa tuwing iniisip ko siya at ang mga nangyari habang magkasama kami, hindi ko talaga mapigilang makaramdam ng sobrang saya. Pakiramdam ko ay unti-unti nang natutupad ang kagustuhan kong mapalapit lalo sa kanya,” bulong pa ni Rohem. Sa loob-loob niy
