Magkaharap na nakaupo sa pandalawahang mesa sila Rohem at Tattered. Nasa loob sila ng isang fast food resto na nasa labas ng mall at kasalukuyang kumakain.
Minsan ay napapatingin si Rohem kay Tattered na abalang kumakain ng pagkaing inorder nito. Pagkatapos tumingin sa kaharap saka yuyuko saka ngingiti. Ewan ba niya, alam na niyang nagmumukha na siyang tanga dahil sa ginagawa pero mistulang okay lang sa kanya iyon.
‘Anong magagawa ko kung gusto kong ngumiti ng dahil sa kanya? Masaya kasi ako dahil iniisip ko na parang nagde-date kami ngayon. Hindi nga lang sa mamahaling resto pero ang makasabay sa pagkain si Tattered ay talaga namang ibayong ligaya ang hatid para sa’kin.’ Ilang beses na rin naman silang nagkasabay sa pagkain at kapag nagkakasabay sila, hindi niya mapigilang maging masay
