Nakaupo sa kanyang swivel chair si Rohem. Nasa harap siya ng computer na nakapatong sa may office desk at tinatapos ang kanyang report. Kailangan niya itong matapos ngayong araw kaya naman medyo nagmamadali na rin siya. Limang report rin ang kailangan niyang gawin at nasa pangatlo pa lamang nagagawa niya.
Lumipas pa ang sandali ay nagbuga nang hininga si Rohem. Huminto muna siya sa kanyang ginagawa at nag-inat-inat ng leeg, balikat at mga braso. Nangangalay na rin kasi ang mga ito dahil sa maghapon na siyang nakaupo at nakatutok sa computer.
Pagkatapos magpahinga ng kaunti ay nagpatuloy si Rohem sa kanyang ginagawa. “Hay! Hindi rin pala talaga biro ang kumita ng pera. Mahirap pala at kailangan talagang pagtrabahuhan. Naiintindihan ko na rin ang mga sinesermon sa’kin ni kuya. Kundi lang s
