Tulala pa rin si Rohem na nakatitig lang sa kanyang harapan. Naguguluhan siya at hindi makapaniwala.
‘Totoo ba ‘to? Gising ba ako o nananaginip lang? Talaga ba? Narinig ko ba ang mga sinabi niya ng live o baka nag-iilusyon lang ako?’
Hindi maintindihan ni Rohem ang kanyang sarili. Gusto niyang matuwa pero parang hindi rin. Naghahati ang kanyang isipan at damdamin kung dapat ba siyang matuwa dahil sa mga nangyayari o dapat ba siyang mabahala dahil sa napipintong malaking pagbabago sa buhay niya dahil pakiramdam niya na sa mga oras na ito, maaaring umamin na ang kanyang kaharap sa tunay nitong nararamdaman.
“Natulala ka na diyan,” ani Tattered na nananatiling nakatingin ng diretso kay Rohem.
Bumalik sa dating sarili si Rohem. Tumitig siya kay Tattered na nakita niyang nakangiti sa kanya
