“Good morning!”
Matamis akong bumati sa lahat ng mga katulong na kasama ko sa bahay ni Master Vladimir. Maganda ang gising ko dahil sa wakas ay magaling na rin ako. Mabuti na lang at walang nangyari sa ulo nang bumagsak ako at himatayin. Hindi naman ako pinabayaan ng amo ko dahil sagot niya ang lahat ng gastos ko sa pagpapagamot ko.
"Oh, magaling ka?" tanong ng isang katulong.
Tumango ako saka lumapit sa kanila. "Magaling na magaling na ako ngayon."
"Wala bang nangyari sa ulo mo?" tanong naman ng cook.
"Wala naman. Pinatingin ni Master ang ulo ko nalaman tuloy niyang wala akong utak," biro ko.
Tumawa sila. "Puro ka talaga kalokohan. Day off namin ngayon sumama ka sa amin."
Umiling ako. "Hindi na ako magda-day off dahil ilang araw na rin akong nakapagpahinga. Nakakahiya naman kay Mas
