KUMURAP-KURAP pa si Aniah para lang masigurado na hindi lang ilusyon ang nakikita niya ng mga sandaling iyon.
Totoong palapit sa kaniya si Evo.
Sinupil niya ang saya na maaring makita ni Evo sa paglapit sa kaniya. Kunwa’y kumunot pa ang noo niya.
“Ano’ng ginagawa mo rito?” taka pa niyang tanong. “May raket ka ba ngayon dito?”
Umiling si Evo. “Wala.”
“Hinga muna,” nangingiti pa niyang wika. “Bakit kasi kailangang tumakbo?”
Huminga pa nang malalim si Evo na tila kinakalma ang sarili dahil sa ginawang pagtakbo.
Ngayon lang niya ito nakita na naka-casual attire. Palagi kasi itong nakasuot ng uniform.
Nagsalubong lang ang kilay niya nang makitang may tag price pa iyong suot nitong damit. Nakalawit sa may balikat nito. Itinuro niya iyon kay Evo.
“May tag price pa ‘yang suot mo. Hindi mo
