PAGKAPASOK sa backdoor ng The Kings ay muling napatingin si Aniah sa hawak niyang handbag. Naroon kasi ang isang puting papel na nakatupi sa tatlo.
Resignation letter niya. Mas okay na iyon para naman hindi siya aalis na lang bigla.
Ang bastos lang niya kung bigla na lamang siyang maglalaho na parang bula sa kaniyang trabaho.
Inagahan din niya ang pasok sa The Kings dahil huling araw na rin naman niya iyon. Susulitin na niya iyong huling experience niya sa lugar na iyon kahit na may lungkot siyang nararamdaman.
Pagpasok niya sa locker room, natigilan pa si Aniah nang makita ang nakatalikod na lalaki sa medyo dulo. Matangkad iyon at para bang pamilyar sa kaniya ang tindigan.
Evo? aniya sa kaniyang isipan.
Kumunot pa ang noo niya. Bakit ito naroon?
Aniah, nagkamali ka rin sa isang lal
