PAGKABABA ni Aniah sa kotse, daig pa niya iyong animo susugod sa gera nang pumasok siya sa entrada ng kanilang mansiyon.
“Manang, sina Kuya Uno po?” tanong pa niya sa sumalubong sa kaniyang kawaksi.
“Hindi pa po sila umuuwi,” tugon niyon.
Tumiim ang kaniyang mga labi. Kapag kuwan ay dumiretso na rin siya sa kaniyang silid upang doon tawagan ang kaniyang mga kapatid. Maingat pa niyang ipinatong ang kape niya sa bedside table.
Gumawa pa siya ng group chat nilang apat na magkakapatid at doon tinawagan ang mga ito. Pabalik-balik siya sa paglalakad dahil para bang sinasadya ng mga Kuya niya na hindi sagutin ang tawag niya.
Hanggang sa pangatlo niyang tawag ay sumagot na rin ang kaniyang Kuya Dos.
“Nasaan kayo?” agad niyang tanong.
“Narito sa Leisure Club. Gusto mong pumunta rito?”
“Gini
