HABANG nakaupo sa kama si Aniah ay nakalatag naman sa harapan niya ang sandamakmak na UHB Magazine. Lahat ng iyon ay mayroong autograph ng mga UHB Men. Salamat sa mga Kuya niya na kahit doon man lang sa signed magazine ay bumawi sa kaniya.
Nasa pinakaharapan niya si Daizuke Niwa.
“‘Wag kang mag-alala, Daizuke. Lamang ka pa rin ng isang daang paligo kay Evo,” wika pa niya habang hindi inaalis ang tingin sa may ari ng UHB Leisure Club.
Inilabas ni Aniah ang collection niya na UHB Magazine sa pag-asang makuhang muli ng mga ito ang atensiyon niya at sa mga ito na lamang mag-focus. At least, sa mga ito, hindi naman siya masasaktan.
Nasa ganoon siyang akto nang mapasukan siya ng kaniyang Kuya Dos. Maging ito ay bahagya pang nagulat dahil sa nakitang ayos ng kama niya. Maingat pa nitong isina
