NAWALA ang excitement ni Aniah na magtanghalian nang makita na tumabi pa talaga ng upo si Olivia kay Evo.
Humigpit ang kapit niya sa bag na kinalalagyan ng kaniyang lunch box.
Pinadamihan pa naman niya ang Chicken Curry sa kanilang chef sa bahay para sana share sila ni Evo katulad ng pangako niya rito kagabi.
May ulam pa ring dala si Evo. Kahit na sinabihan niyang huwag ng magdala para sana share sila.
Huminga muna nang malalim si Aniah bago naglakad palapit sa pahabang counter na may mga silya sa harapan. Sa bandang dulo siya naupo para kumain.
Iniwasan din niyang mapatingin sa kinaroroonan nina Evo at Olivia. Tahimik na lamang niyang inilabas ang lunch box niya sa bag niyon.
Hindi niya alam kung mabubusog ba siya sa tanghalian na iyon o hindi? Pero bahala na. Kailangan pa rin niyan
