I Owned You [Book4-The Walker’s Family]

Kabanata 05

“Kulang na lang ay sumabog ako sa galit ng sapilitan akong hilahin ng tomboy na ‘to papasok sa loob ng cubicle. “Augghh! Dumadaing na ungol ko ng marahas niya akong isinandal sa pader. Ngunit, ang hindi ko inaasahan ay ng suntukin niya ang sikmura ko. Namimilipit sa sakit na napayuko ako, gustuhin ko mang himasin ito ngunit hindi ko magawa dahil nakatali ang mga kamay ko sa aking likuran.

“I swear, makawala lang talaga ako dito ay may kalalagyan ka sa akin!” Ani ng munting tinig sa isipan ko. Hindi ako makapagsalita dahil tinalian ng babaeng ito ang aking bibig gamit ang kanyang panyo.

Sa tingin ko ay ginawa niya ito upang mabilis na makatakas sa akin. Dahil pagtapos niya akong suntukin ay mabilis na itong lumabas ng toilet naiwan akong namimilipit sa sakit. Hindi ako makapaniwala na nagawa sa akin ito ng isang tomboy at ang labis na gumugulo sa akin ay kung bakit tila may pumipigil sa mga kamay ko na huwag siyang saktan.

Nang medyo maayos na ang pakiramdam ko at kaya ko na ang sakit ay tumayo ako ng tuwid at pinagtuunan ng pansin ang nakataling panyo sa bibig ko. Kasalukuyang kinakalas ko ang tali sa aking mga kamay ng biglang bumukas ang pinto at nagmamadali na pumasok ang lesbian sa loob ng toilet. Maingat na isinarado nito ang pinto habang nakasilip sa siwang. Akala ko ay nakaalis na ang babaeng ito ngunit ano’t naririto pa rin siya? Bakit bumalik ang babaeng ito? I swear sa oras na makawala ako dito ay sisiguraduhin ko na iiyak ng dugo ang babaeng ito. Marahil ay walang ideya ang isang ito kung sino ako.

“You’re”- naudlot ang sanay sasabihin ko ng bigla siyang lumapit sa akin at inilapat ang bibig niya sa mga labi ko. Sunod na ginawa nito ay mariǐn na kinabig niya ang likod ng ulo ko upang mas lumalim pa ang halik na ginawa nito sa akin. Inipit pa niya ang katawan ko gamit ang kanyang katawan. Pakiramdam ko ay biglang nagliyab ang aking katawan, nang mga sandaling ito ay para akong nasa ilalim ng isang mahika kaya hindi ko magawang tanggihan ang mga labi ng tomboy na ‘to. S**t! Aminado ako na magaling siyang humalik dahil sa isang iglap ay napasunod niya ang mga labi ko.

Habang patuloy kami sa paghahalikan ay dinig ko mula sa labas ang mga pinto na padabog na binubuksan. “Sir, where are you? Halughugin ninyo ang buong paligid!” Dinig ko ang malakas na utos ng kanang kamay ko kasunod nito ay padabog na bumukas ang pintuan ng cubicle na aming kinaroroonan. Naalarma ang buong sistema ko ng yumakap ang mga braso ng tomboy na ‘to sa aking katawan at pumasok pa sa loob ng suot kong puting polo ang pangahas nitong mga kamay. Nagmukha tuloy kaming magsyota na naglalampungan. “F**k, aminado ako na nadadala ako ng kanyang mga haplos at matinding tension na ang nararamdaman ko sa aking katawan.

“S-Sir? I’m sorry!” Natataranta na hinging paumanhin ng aking tauhan bago mabilis na nagyuko ng kanyang ulo at nagmamadali na lumabas ng restroom. Hindi nakaligtas sa aking paningin ang namumula nitong mukha. Iniisip ba nito na isa akong bakla dahil nakikipaghalikan ako sa kapwa ko lalaki? Well, kahit sino talaga ay iisipin na lalaki talaga ang tomboy na ‘to. Sa kilos at pananamit nito ay talagang madadaig nito ang isang tunay na lalaki.

Parang wala na ako sa aking katinuan dahil ang piping dalangin ng kalooban ko ay huwag na sanang matapos pa ang halik na aming pinagsasaluhan. Ngunit matinding panghihinayang ang naramdaman ko ng tumigil ang mga labi nito. Kakat’wang parang gusto ko pang habulin ang namumula nitong mga labi.

“Huh? Kapag minamalas ka nga naman oh.” Ani ng tomboy sa aking harapan at tila nandidiri na bumitaw ito mula sa pagkakayakap sa aking katawan at umatras ng isang hakbang palayo sa akin. Saglit na tumitig ang brown niyang mga mata sa aking mukha kaya ngayon ko lang napagtanto na isa pala siyang banyaga ngunit matatās mag tagalog. Para akong tanga na napalunok ng laway ng wala sa oras nang hawakan nito ang ibaba niyang labi. Napako ang tingin ko sa namamasa nitong mga labi na wari mo ay inaakit ako.

“Hm, not bad.” Sambit pa nito sabay salat ng dila niya sa kanyang labi. Nag-init ang pakiramdam ko at tuluyan ng tumaas ang libido ng aking katawan hanggang sa naghahangad na ako ng higit pa sa ginawa nito. Ilang sandali pa ay pumihit siya patalikod sa akin kaya naalarma ang buong sistema ko. Akmang itutulak na sana niya ang dahon ng pinto ng mabilis na pumulupot ang mga braso ko sa maliit niyang baywang. Labis siyang nagulat sa ginawa ko, marahil ay hindi niya inaasahan na matatanggal ko ang tali sa aking mga kamay.

“Where are you going? We’re not yet done, akala mo ganun lang kadali na takasan ako? Huh?” Nakangisi kong saad habang mahigpit na nakayakap sa katawan nito. “Ahk! S**t..”Nagulat ako ng bigla nitong inuntog ang sariling ulo sa aking mukha kaya nabitawan ko tuloy siya ng wala sa oras. Napakabilis ng babaeng ito dahil hindi ko na paghandaan ang isang sipa na tumama sa dibdib ko. Sa lakas ng pwersa na ginamit niya sa akin ay bumalandra ako sa gilid ng bowl ngunit ang labis na ikinagimbal ko ay nang mawala siya sa aking harapan. “F**K YOU!” Nanggagalaiti kong sigaw bago nagmamadali na tumayo at halos madapa pa ako ng takbuhin ko ang pintuan.

Kung hindi lang ito babae marahil baka mapatay ko na siya kanina pa, ngunit labis akong naguguluhan kong bakit wala akong makapang galit sa lesbian na ‘yun? Dahil sa tuwing makakita ako ng lesbian ay talagang kumukulo ang dugo ko. At ang mas malala pa ay hinayaan ko siya na halikan ako gayong labis akong nandidiri sa tuwing hahalikan ako ng ibang babae.

“Hanapin nyo ang babaeng ‘yun!” Galit kong utos sa aking mga tauhan na kasalukuyang palapit sa akin. Hindi pa man nakakalapit ang mga ito ay mabilis silang pumihit patalikod upang sundin ang inutos ko. Ngunit naudlot ang sanay paghakbang nila at nagtataka na pumihit paharap sa akin ang mga ito na wari moy naguguluhan. Isang marahas na buntong hininga ang aking pinakawalan dahil saka ko lang napagtanto na wala nga palang ideya ang mga tauhan ko kung sino ang babaeng ipinapahanap ko sa kanila.”

“Halughugin ninyo ang buong paligid at iharap ninyo sa akin ang lahat ng lesbian na sakay ng barkong ito!” Matigas na utos ni Heussaff at sabay na sumagot ang kanyang mga tauhan nang “ Yes Sir!” Nanggigigil na humakbang ang mga paa ni Heussaff na hindi niya mawari kung saan pupunta habang ang sinisipat ng tingin ang bawat tao na kanyang nakaka-salubong. Natigil sa paghakbang ang kanyang mga paa ng makarinig siya ng ilang palitan ng putok ng baril. Humahangos na lumapit sa kanya ang isa niyang tauhan at ang mukha nito ay halatang balisâ.

“Boss, napapalibutan ng mga pulis ang ating barko, kaya inihinto ito ng kapitan.” Hinihingal nitong wika. “What?” Di makapaniwala na tanong ni Heussaff dahil wala siyang ideya sa kung ano ba talaga ang nangyayari sa kanyang paligid.