Nabigla si Lorraine nang bigla ay nagsalita mag-isa si Philipp sa usapan nilang apat, bakas din sa mukha nina Salvacion at Menardo ang gulat sa ginawa ng lalaki.
"Yes, Philipp, may sinasabi ka ba?" untag ni Menardo sa natitigilang lalaki.
"Wala, Menardo, may naiisip lang ako," turan nito na pilit ibinabaling ang tingin sa malayo.
"Mukhang hindi ka sang-ayon sa iniisip mo, ano ba 'yon?" giit na untag ni Menardo rito.
Napatitig si Philipp sa hepe, alam niyang hinuhuli siya nito. Bahagyang naglapat ang mga paningin nila at kitang hinihintay nito ang kanyang kasagutan. Muli niyang ibinalik sa malayo ang tingin saka pasimpleng sumulyap kay Lorraine na noon ay nakamasid sa kanyang reaksiyon.
"Wala, sir, naalala ko lang ang kasintahan ko. Uuwi kasi siya next month at sinasabing dapat ay mata
