Ilang sandaling nakasubsob ang mukha ni Lorraine sa malapad na dibdib ni Philipp. Kapwa hindi nakakilos sa gulat sa mga pangyayari, gulat man si Philipp ay agad ring nakabawi at nagawang tapikin ang babae sa likod upang ipabatid ang kanyang makikiisa sa damdamin nito tungkol sa pagkawala kuno ng ama nito.
Alam ni Philipp na buhay pa si Attorney Larrazabal, ang papa ni Lorraine pero hindi niya pwedeng ipaalam 'yon dito kaya kahit medyo nagi-guilty ay pinaramdam na lamang niya ang pakikisimpatya sa babae.
Nang mapagtanto ni Lorraine ang pagkakayakap niya kay Philipp ay nanlaki ang kanyang mga mata. Hiyang-hiya siya sa kanyang ginawa kaya unti-unti siyang kumalas mula sa pagkakayakap dito.
"S-Sorry, n-nabigla ako," nauutal niyang wika matapos kumalas sa kanyang pagkakayakap.
"It's okay, n
