“Next is the Celestia Pearl Ring. A rare, shimmering celestial-blue pearl at its center, encircled by a band of platinum encrusted with small diamonds,” anunsiyo ng auctioneer.
Tumuon ang mga mata ni Ireta sa singsing na nasa gitna ng stage. Parang gusto niyang maging kanya ang singsing na iyon. Natalo na siya sa Seraphina, baka naman sa Celestia ay manalo na siya sa bidding. Isa pa, na kay Lukas na ang kuwintas, kaya hindi na siguro nito pag-iinteresan ang singsing.
“The bidding starts at five million pesos!”
Itinaas niya ang paddle. “Five million.”
May isang ginang mula sa likod ang nagtaas din ng paddle. “Six million,” anito.
"Six million and five hundred thousand," anang isa pa.
"Seven million!" bida ng unang ginang.
Napaungol siya. “Ten million.” Binagsakan na agad niya ng samp
