Alas dos ang oras ng kasal.
Napatingin si Ireta sa suot niyang relo. Kalahating oras nang late si Lukas, at ni anino nito ay hindi pa rin nila mahagilap. Kanina pa ito tinatawagan ng mga kapatid nito.
Sa malawak na propiedad ng Mansiyon de Crassus gaganapin ang pag-iisang dibdib nila ng binata. Mga miyembro ng Kratos ang imbitado sa kasal. Kahit ang officiant ng kasal ay kasapi ng organisasyon. Sa panig ni Ireta ay si Edilbar at mga tauhan niya lang ang nandodoon, at ang isang miyembro ng International Intelligence Consortium. Dahil pagkatapos ng kasal ay magkakapirmahan din sila ng kasunduang magpapatunay na hindi huwad ang ipinangako niyang pakikipag-ugnayan at alyansa ng IIC sa Kratos.
Hindi na siya mapakali. Mukhang walang balak na sumipot sa kasal nila si Lukas. Nakagat niya ang
