Nag-uusok sa init na sinangag. Bagong lutong tapa, tocino, daing na bangus, at itlog. Hiniwang hinog na mangga at papaya, at mainit na kape. Iyon ang mga pagkaing nasa tray na dala-dala ni Ireta. Ibinaba niya iyon sa lamesitang nasa tabi ng higaan. Lumundo pa ang malambot na kutson nang maupo siya sa gilid ng kama.
“Ano ang kailangan mo sa akin?” madilim ang mukhang tanong sa kanya ni Lukas. Halatang iritado ito sa presensiya niya.
Hinayon niya ito ng tingin. Magulo ang buhok nito. Nakaupo ito sa uluhan ng kama, nakasandal ang likod ng ulo sa headboard, at puno ng agresyon ang emosyong nakapaloob sa itim nitong mga mata.
“Ano pa ba sa tingin mo?” Sinipat niya ang suot na relo. “It’s eight o’clock in the morning—time for breakfast.”
“I don’t eat breakfast,” ulit lang ni Lukas sa sinabi
