Inabangan ni Ireta ang yateng sakay ang mga taong magtatayo ng pader sa palibot ng malaking bahay. Ayon kay Edilbar ay mapagkakatiwalaan naman daw ang lahat ng mga iyon. At ilan sa mga ito ay ang taga-install ng mga CCTVs at motion sensor.
Kasama rin ng mga ito si Edilbar. Pagkadaong ng yate ay ang alalay ang unang lumapit sa kanya.
“Gaano katagal bago maitayo ang pader?” tanong niya.
“Mabilis lang. Marami naman ang nakatoka sa paggawa ng pader.”
“Good. Nga pala, pinaabot mo ba kina Hades at Morris ang mensahe ko?”
Tumango ang alalay. “Yes, Madam. Sinabi ko sa kanilang lumabas kayo ng bansa ni Sir Lukas para sa honeymoon n’yo.”
“Sa tingin mo, naniwala sila?”
“Sa tingin ko ay hindi po, Madam.”
Natawa siya nang mababa. Alam naman niyang hindi niya madaling makukumbinsi ang Mafia Bos
