Napatanaw na lang si Ireta sa papaliit na pigura ng papalayong convertible ni Lukas. Gusto niyang habulin iyon, pero magmumukhang tanga lang siya. Ano ang laban ng mga paa niya sa bilis ng mga gulong ng sasakyan ng binata? Isa pa ay nanghihina pa rin siya. Inubos niya ang natitirang lakas kanina sa pagpulupot ng bisig sa leeg ng isa sa apat na babae.
Napaungol na lang siya at inihilamos ang mga palad sa nag-iinit na mukha. Nang ilingap niya ang tingin sa paligid ay nakita niya ang aninong mabilis na kumilos at nagkubli sa likod ng hilera ng mga naka-park na kotse.
The stalker!
Gusto niyang matawa sa sitwasyon. Hinahabol niya si Lukas, tapos ay may nang-i-istalk din sa kanya. Kung sino man ang taong panay ang buntot sa kanya ay babasagin niya talaga ang bungo. Pinulot niya ang bato, at
