✿✿♡ KIM ♡✿✿
“I can’t trust anyone else with VVIP clients, Kim,” pangungulit sa ‘kin ni Sabel mula sa kabilang linya. Nakaipit ang cell phone sa tainga at balikat ko dahil busy ang mga kamay ko sa paghuhugas ng bigas. Hindi kasi ako nagtanghalian kanina kaya ngayon, alas kwatro pa lang ng hapon ay nagsasaing na ako para maaga akong makakain mamaya bago ulit magbabad sa laptop ko.
Bumuntong-hininga ako bago siya sagutin. “Ayoko na, Sabel. Alam mo naman ang hirap ko kay Yanny at Red.”
Kaibigan ko si Issabelle. Pero Sabel lang tawag ko sa kaniya, kinuha ko ‘yon sa gitna ng pangalan niya para medyo umikli. Buti nga hindi siya gumanti sa ‘kin at hindi niya naisipang tawagin ako gamit ang ilang letra sa gitna rin ng pangalan kong Kimberly. Like, imber. Ang pangit, ‘di ba?
Nagkakilala kami ni
