JULIAN WY
IMBES na bumili ng regalo para sa pinsan ko at bumisita sa kanila, naisip ko munang huminto sa nadaanan kong bar. Sasamantalahin ko lang habang nasa mga magulang pa ni Kylie ang kambal. Dahil kapag nasa akin sila, hindi ko naman ‘to nagagawa. Nakakainom ako sa bahay noong nasa New York pa kami, pero paunti-unti lang. Hindi ako p’wedeng magpakalasing dahil pinagagalitan ako ni Jade, ang babae sa kambal ko.
Kapag nalalasing ako, kinabukasan nagigising ako na puro drawing ng marker ang mukha ko. Gawain ni Jade.
Jade and Jayden are four years old. Girl and boy. Kamukhang-kamukha ko sila pareho noong bata pa ‘ko. Halos sa akin nila nakuha ang looks nila, at hindi ‘yon maipagkakaila lalo na kapag magkakasama kami. Pero si Jade, mas close siya kay Kylie. Si Jayden naman ang malapit s
