✿✿♡ KIM ♡✿✿
“We don’t share a room, Kim.”
Napatulala ako at bahagyang umawang ang bibig ko sa isinagot sa akin ni Jayden matapos ko silang sabihan na matulog na rito sa kwarto.
Pareho na silang nakasuot ng pantulog. Ako ang naglinis sa kanila dahil hindi pa nila kayang maglinis mag-isa. Hindi sila nakakapagsabon nang maayos. Idagdag pa na sinasabayan nila ng laro kaya halos hindi sila matapos-tapos. Napilitan na tuloy akong saklolohan sila kanina.
“Magkahiwalay pa kayo ng room?” kunot-noo kong tanong. Tumango sila pareho bilang tugon. “Sino katabi n’yong natutulog?”
“Wala po,” sagot ni Jayden.
“You . . . sleep alone? Both of you?” Nang tumango sila ay hindi ko maiwasang tumahimik at pagmasdan sila pareho, na kasalukuyang nakatayo sa gilid ng kama, magkatabi sila. Ang buong akala ko
