✿✿♡ KIM ♡✿✿
HINDI ko akalain na makakaramdam ako ng ganitong lungkot oras na makauwi ako sa apartment ko. Ilang araw ko pa lang nakasama ang kambal. Four days and three nights, pero parang katumbas na agad sila ng panahong nakasama ko si Yanny at Red. O baka dahil konektado sila kay Julian kaya ganito ako kaapektado?
Oras na maibaba ko ang bag ko sa paanan ng kama, ibinagsak ko naman doon ang katawan ko at sumubsob ako sa unan. Gusto kong tawagan si Sabel pero hindi ko alam ang sasabihin ko. Bahala na si Julian. Bahala na siyang magpaliwanag kung bakit ayaw niya akong maging nanny ng mga anak niya.
No. Not her. Find a replacement.
Alam ko. Hindi ko na kailangan pang magtanong kung bakit gusto niya akong palitan. Naiintindihan ko siya. Wala akong sama ng loob sa bagay na ‘yon. Kung tut
