Kinaumagahan nang magising si Nadielyn ay nakahanda na ang almusal sa lamesa. Nandoon na rin si Bebang at kumakain.
“Good morning Nadielyn, anak. Dumulog ka na. Nandiyan na ang request mong bacon at spam. May corned beef din, iyong libis na binili mo sa grocery.”
“Thank you po,” sagot niya at umupo nasa tabi ni Bebang, matapos magmumog sa lababo.
Napansin niyang wala doon ang lokong si Danilo. Naiarko niya ang kilay, bakit nga ba niya hinahanap ang kumag na iyon? May atraso pa pala sa kanya ang hunghang.
“O bakit nakabusangot ka?” puna ni Bebang habang panay ang nguya.
“Wala. Gusto mong magjogging?” sa halip ay tanong niya.
“Jogging? Tatakbo?”
“Hindi lilipad tayo. Siyempre tatakbo, ano ka ba? Tagal ko na ring walang workout baka lumob
