Nagngingitngit na ipinagpatuloy niya ang paghuhugas. Sa isip niya ay binubuntal na niya si Danilo utusero! Ang sarap nitong ibitin patiwarik, pagkatapos ay babalatan niya ng buhay saka lalagyan ng asin para mamilipit sa hapdi. Bigla siyang natawa sa naisip. Ang morbid naman. Kakapanood niya kaya kung anu-ano’ng kalokohan ang naiisip niya.
“Hoy!”
“Ay kabayo!” gulat na tili niya nang biglang may tumulak sa likuran niya.
Paglingon niya ay nasa likuran niya ang bwisit na binata.
“Bakit ka ba nanggugulat? Akala ko ba maliligo ka na?” asar na asik niya.
“Nakalimutan kong kumuha ng damit na pamalit. Saka ‘wag kang tawa nang tawa mag-isa, baka mahipan ka ng hangin maging permanente ka ng lukring.”
“Tse! Umalis ka na nga!” taboy niya rito at bahagya pang si
