“Talaga palang desidido ka ng dito tapusin ang pag-aaral mo pare?” sabi ni Danilo sa matalik na kaibigang si Angelo, habang sakay sila sa magarang sasakyan nito.
Halos mag-iisang taon silang hindi nagkasama kaya masaya siya sa pagbabalik nito. Katatapos lang nitong mag-enroll sa school na pinapasukan rin niya, kaya binabagtas na nila ang daan pauwi.
“Oo, sayang nga, eh, sana sabay tayong nagtapos kung hindi ako nanatili sa America,” tugon nito at bahagya lang siyang sinulyapan dahil ito ang nagmamaneho.
“Huwag ka ng manghinayang, wala namang may gustong magkasakit ang Papa mo. Kamusta na nga pala siya?” usisa niya dito.
Ang pagkakasakit ng ama nito ang naging dahilan para lisanin nito ang bansa. Inatake ito sa puso at mas pinili ng Ina n
