“O-Oo nga po, ang sakit nitong mata ko. Inutusan ba naman akong umihip sa kalan niyo,” sang-ayon niya na medyo napapangiwi pa sa hapdi ng mata.
“Ah, eh…gano’n ba?” parang napahiyang sabi ni Yaya Menang.
“Oo Nay, ano bang nasa isip niyo?” kunot noong tanong ni Danilo.
“Ah, kwan…wala. Nakapagluto ka na ba?”
“Eto na nga po, kanin na lang. Sige na Nadielyn maghilamos ka na lang para mawala ‘yang puwing mo,” ani Danilo kaya dumiretso na siyang lababo para maghilamos.
“Akala kasi ni Tiyang may nagkakadevelopan na dito. Akalain mo, hindi pa ko nagtatanghalian, may padessert na kaagad kayo. Pakatamis niyo ni Ate Nadielyn, Kuya!” tukso ni Bebang kaya nabigwasan na naman kaagd ito ng isang batok ni Danilo.
“Aray ko naman, Kuya! Sinasarap ka na sa kababatok mo sa’kin!” reklamo ni Bebang na may
