Mahabang oras silang naglibot. Naghorseback riding pa sila para marating ang Taal Volcano.
Nagtampisaw rin sila sa lake, hinubad lang nila ang mga sapatos at parang mga batang lumusong sa malinaw at malamig na tubig.
"Nadielyn ‘wag ka lumayo, may piranha diyan," ani Danilo kaya napatakbo siya pabalik.
"Sira. Tinakot mo naman. Tilapia lang meron dito. Saka kung meron man ako bahala sa’yo," assurance ni Angelo kaya napangiti siya.
"Ano ka Kuya? Sweet nilang dalawa, ikaw ang sour mo hahaha!" ani Bebang kaya hinagad na naman ito ni Danilo.
Nang sumapit ang tanghalian ay sa isang outdoor garden restaurant sila humantong. Napansin niyang hindi nakikipili si Danilo sa menu na nasa tabi niya. Katapat naman niya si Angelo.
"Danilo, wala kang gusto?" usisa
