"Nadielyn, bawang nga. Wala akong panggisa," ani Danilo habang abala siya sa pagsasabit ng shampoo sa may kataasang kawad. Bahagya siyang yumuko dahil nakatungtong siya sa silya. Nasa bintana ito ng tindahan.
"Pumasok ka dito, ikaw na kumuha. May ginagawa ako," tugon niya sa binata na nasa labas ng tindahan.
Pumasok nga ang binata at dumaan ito sa likuran niya dahil nandoon ang mga bawang at sibuyas na nakasalansan sa mga tray.
"Ginisang monggo at pritong galunggong ang tanghalian, kumakain ka naman n’on?" usisa nito.
"Oo naman--ahhh!!!" tili niya dahil eksaktong pagtingala niya, para magsabit ulit ng mga sachet na shampoo ay may lumagpak na butiki sa mukha niya. Nagtatarang siya nang maramdaman sa mukha niya ang lamig ng k
