Excited na nagbangon si Nadielyn at binuksan ang bintana. Pumasok kaagad ang sikat ng araw at sariwang hangin kaya napangiti siya.
"Good morning, haring araw!" ngiting-ngiting bati niya at saka nagbalik sa higaan para ayusin iyon saka siya lumabas at nagtungo sa kusina.
Naabutan niyang nandoon na ang tatlo. Si Bebang, Yaya Menang at si Danilo na nakatalikod sa gawi niya.
"Good morning!"
"Anak ng tinapa! Nakalunok ka ba ng megaphone?" gulat na reaksiyon ni Danilo at muntik nang mabitawan ang tasa ng kape sa lakas ng bati niya.
"Asus ito naman, ang aga-aga kay sungit," tumatawang aniya at nilapitan ito saka hinapit ang magkabilang pisngi nito.
"Aray!" piglas nito kaya dali-dali siyang bumitaw at nagtungo nasa lababo para magmumog.
"Mukhang masaya ka Nadielyn?" puna ni Yaya Menang.
"
