“Pabili pong colgate ‘yong close up. Saka po, pampers, ‘yong EQ.”
Napasapo si Nadielyn sa noo dahil sa gulo ng batang lalaki bumibili sa kanya. Kaninang umaga lang ay nagbukas na siya. First day iyon ng sari-sari store niya at masasabi naman niyang malakas ang benta. Mag-aalasiyete na ng gabi. Alas otso ang sara niya.
“Bata, ano ba talaga? Colgate o close up? Pampers o EQ diaper?” nakangiting tanong niya.
“Colgate po pero close up.”
Napakamot na siya sa ulo. Mukhang nalilito ito sa brand at mismong tawag sa produkto.
“Ah iyong hinahanap mo, toothpaste. Ngayon, mamili ka sa dalawa. Colgate o Close up? Ito oh…” iniangat niya ang dalawang magkaibang brand ng toothpaste.
“Iyan po. ‘Yang nasa kaliwa.” turo nito sa kaliwang kamay niya kung saan hawak niya ang close up na toothpaste.
Nakah
