“Yaya may malapit bang grocery store dito?” tanong ni Nadielyn kay Menang nang mapansin ng dalaga na halos walang laman ang maliit na refrigerator pagkuha niya ng tubig na maiinom.
“Oo isang sakay lang. Doon sa bayan. Bakit may gusto ka bang bilhin?”
“Marami po at sasamahan niyo ko,” nakangiti niyang sagot.
“Ay ano naman kaya iyan? Parang nakikinikinita ko na.”
Natawa siya. Alam naman kasi ng Yaya niya kung gaano siya kalaki gumastos kapag namili. Hindi kasi uso sa kanya na tinitipid ang sarili. Bago sumapit ang tanghalian ay nagtungo sila sa bayan. Nagwithdraw siya sa isang bangko dala ang libreta. Kinuha na niya lahat ang savings niya. Umabot rin iyon ng mahigit 130,000 pesos.
“Nadielyn, bakit kinuha mo na lahat? Dapat nagt
