CHAPTER 31
NAKATITIG LANG si Kirsten sa kulay brown na inuming alak na nasa baso. Ang bawat bula na kaniyang nakikita roon ay halos bilangin na niya upang malibang siya. Tinaas niya ang baso saka muling tinungga iyon. Kaagad namang kumapit at gumapang ang mapait na lasa niyon sa kaniyang bibig pababa sa lalamunan. Napangiwi siya.
“Kirsten, alam kong broken-hearted ka pero huwag ka namang magpakasagad sa inom,” ani Britney na nagbubukas ng pakete ng menthol patch nito. “Ilagay mo nga ito sa likod ko. Hindi ko abot,” anito sa inabot.
Tinanggap naman niya iyon saka bumuntonghininga. “Talikod,” aniya.
Ganoon nga ang ginawa ng kaibigan niya. “Alam mo, lalaki lang iyan. Marami ka pang makikilalang lalaki. Hindi mo deserve ang kagaya ni Anthony.”
Hindi siya kumibo. Sa totoo lang, hindi naman
