CHAPTER 32
BLANGKONG TINGIN ang binigay ni Kirsten kay Anthony ngayong kaharap niya ito. Hindi niya alam kung paano nito natunton ang condo unit ni Britney ngunit hindi naman na siya nagulat pa. Alam niyang may paraan ito. Alam niyang gagawin nito ang lahat, makausap at makita lang siya. Kumunot ang noo niya nang makita abutan siya nito ng isang bungkos ng bulaklak.
‘Wala pa siyang ideya na alam ko na ang kataksilan niya?’ tanong niya sa isip.
“Babe, wala ka ba sa mood. Look, binili kita ng paborito mong bulaklak. May chocolates pa,” anito habang inaabot sa kaniya ang bulaklak. Hindi naman niya iyon tinanggap. “Babe, may problema ba? Ilang araw mo na akong iniiwasan. May nagawa ba akong mali?”
‘The audacity?’
“Wala nga ba?”
Doon natigilan si Anthony. Naglumikot ang mga mata nito ha
