CHAPTER 57
“PUPUNTA KA BA?” tanong ni Britney kay Kirsten habang inaayusan siya nito ng makeup sa mukha.
Hinintay muna niya na tapusin nito ang paglalagay ng lipstick upang makapagsalita siya nang maayos. "Kapag wala siguro akong schedule, parang magandang pumunta, `di ba? Ano sa tingin mo?" balik na tanong niya rito.
Sandali naisip si Britney bago tumugon sa kaniya. "Maganda naman talaga pumunta roon dahil ito pa lang ang unang beses na makapunta tayo sa reunion kasama sila. Okay lang din naman sa akin kasi parang gusto ko naman silang makita at maka-bonding ulit lalo na `yung mga ka-close natin nung college. Pero syempre `yung schedule mo nga ang kailangan nating alamin kung wala ka bang trabaho no'n."
Tumingin siya sa kaibigan na tila ba nakaisip siya ng magandang ideya. "What if t
