CHAPTER 56
MAGANDA ANG ngiti sa mga labi ni Lavi nang lumapit ito sa kay Kirsten habang may dala itong mga bulaklak. Bouquet iyon na puro rosas na kulay pula. Nakasuot si Lavi ng smart casual attire. Mayroon itong nakapatong na blazer habang kulay puti ang panloob nito ay high waist pants. Nakasuot din ito ng kulay puting stiletto nasa tingin ni Kirsten ay nasa tatlo hanggang apat na inches ang taas. Ang buhok nito ay nakalugay lang na tinatangay ng presko at malamig na hangin.
Hindi siya makapaniwala sa nakikita at nilingon pa niya si Britney na nasa likuran niya at binigyan niya ito ng nagtatanong na tingin ngunit nginitian lang siya nito ng matamis at nag-thumbs up. Ngayon ay alam na niya kung bakit siya tinulungan nitong mag-ayos dahil mayroon pala ng sorpresa ang kanyang nobya. Hind
