CHAPTER 58
“TINGIN MO, okay na ba ito?” tanong ni Britney kay Kirsten habang namimili sila ng damit na isusuot sa darating na reunion nila sa Sabado. May hawak itong kulay asul na dress na makinang ang tela. Tiningnan niya kung babagay ba iyon sa kaibigan.
“Okay naman ang style niyan pero iyong kulay, blue ba gusto mo?” tanong niya.
“Iniisip ko nga kung blue ba o itong red. Kaso hindi ba ako magmukhang sexy at nang-aakit kapag ito ang suot ko?” Kinuha nito ang isang dress na kaparehas lang ng style ngunit kulay lang ang naiba. “Tingin mo ba?”
Napailing siya at bahagyang natawa. “Ikaw na nga ang bahala. Iyong komportable ka dapat.”
Binalik nito ang mga dresses sa sabitan ng mga damit saka humarap sa kaniya. “Ikaw ba, may susuotin ka na ba?”
Umiling siya saka ginala ng tingin ang mga m
