CHAPTER 45
KANINA PA nakaupo si Kirsten sa sofa sa loob ng office ni Lavi habang ito naman ay may kausap sa table nito. Tingin niya ang isa ay nasa early 60 habang ang isa naman ay nasa late 40. Ang kausap nito ay babae na sa tingin niya ay malapit sa kaniyang nobya. Mga nagtatawanan kasi ang mga ito. Hindi naman niya balak na makinig sa usapan ng mga ito ngunit dahil ang saya ng kwentuhan ng mga ito, hindi niya maiwasan na lumingon.
Nakangiti siya habang pinagmamasdan ang nobya niya na masyadong genuine ang ngiti rin habang nakikipagpalitan ng biruan sa mga kausap. Nagulat na lang siya nang lingunin siya ng isang kausap nito saka ngumiti. Hindi naman niya alam kung babawiin ba niya ang ngiti rito o yuyuko. Bigla kasi siyang ginapangan ng hiya.
“Ito ba ang sinasabi mo kina Celestine na
