CHAPTER 44
LUMIPAS ANG maghapon na naging abala si Lavi sa pag-aayos ng gown ng kaibigan nito samantalang si Kirsten naman ay nanatiling nasa office din nito. Paminsan-minsan siya na lumalabas kapag naiinip. Noon din niya napagtanto na mas malaki ang building ng dati niyang kasintahan kumpara sa building ni Lavi pero dahil hindi naman ito ang main branch ng clothing line nito ay hindi iyon alintana.
Napansin din niya na maliit ang training room ng mga kapwa niya mga modelo. Pumasok siya kanina roon sandali upang panoorin ang mga modelo na sa tingin niya ay mga baguhan pa lang. Nakita niya roon ang dalawang babae na nakita niya noong unang araw niya sa office ni Lavi. Hindi niya alam kung ano ang gagawin sa tuwing nakikita niya ang mga na itong nakatingin sa kaniya dahil pakiramdam niya a
