CHAPTER 46
"CHEERS!" sigaw ni Britney nang itaas nito ang baso na mayroong lamang alak. Tinaas naman nila ang mga baso nila bago sabay-sabay na tinungga ang mga laman niyon. Naipikit na lang ni Kirsten ang kaniyang mga mata nang gumapang ang mapaklang lasa ng alak sa kaniyang lalamunan patungo sa dibdib hanggang sa tiyan niya.
Naramdaman niya ang pag-akbay ni Lavi sa kaniya at bahagya pang pinisil ang kaniyang balikat kaya naman nilingon niya ito. May sinabi ito ngunit dahil malakas ang tugtog sa buong bar kung nasaan sila ngayon ay hindi niya iyon narinig. Bahagya siyang umusog ng upo upang ilapit ang kaniya tainga sa bibig nito.
"Huwag ka masyadong magpakalasing. Hard `tong iniinom natin," paalala nito sa malambing na paraan. Sobrang lapit nito sa kaniya kaya naman naamoy niya ang mab
