CHAPTER 47
MAGKAHAWAK ANG mga kamay Kirsten at Lavi nang bumaba sila sa kusina. Nadatnan nila roon ang isang babaeng may edad na siyang 'all around' sa bahay na iyon. Ito rin ang nagsisilbing caretaker doon. Nakasuot ito ng apron at tipong katatapos lang maghugas sa lababo.
"Mabuti naman at bumaba na kayo. Nakaluto na ako ng almusal." Nagpunas ito ng kamay sa hand towel na nakasabit sa isang sulok.
Ngumiti si Kirsten dito at si Lavi ay nagsalita, "Sumabay ka na sa amin."
"Tapos na akong kumain. Ipaghahain ko na kayo." Lumapit ito sa tauban ng mga pinggan ngunit pinigil ito na Lavi.
"Kami na ang bahala. Magpahinga ka na."
"Ikaw naman. Pasimula pa lang ng araw pero pinagpapahinga muna ako."
"Okay lang `yan. Wala naman dito si Mommy. Siya lang naman ang utos nang utos sa iyo."
Ngumit
