CHAPTER 65
HINDI MALAMAN ni Kirsten kung ano ang isasagot sa tanong na iyon ni Lavi. Hindi siya kaagad nakasagot dahil pakiramdam niya ay hindi basta-basta ang desisyon na gagawin. May mga maiiwan siyang trabaho kung sakali man na sumama siya rito. Syempre naman at gusto niya iyon dahil hindi pa naman siya nakakarating sa Paris, France at bilang isang modelo, iba sa pakiramdam ang makapunta roon. Mas lalawak ang kaniyang kaalaman pati na ang karanasan. Ngunit inaalala niya ay ang mga maiiwan niyang trabaho rito. Hindi porque nobya niya ang may-ari ng kumpanyang pinapasukan niya ay p’wede na siyang gawin ang mga bagay nang basta-basta.
Tahimik laman siya habang nakaupo sa solohang sofa habang si Lavi at Almira ay abala sa pag-aasikaso ng mga pagkain nila. Napunta ang tingin niya kay Sele
