CHAPTER 64
MAHIGPIT ANG pagkakahawak ni Lavi sa palad ni Kirsten habang nakaupo silang dalawa sa mini sala. Nasa harapan nila sina Almira at Selendria. Si Almira at Lavi ay panay ang usap tungkol sa mga planong gagawing patungkol sa isang kliyente na nakabase sa France. Nakikinig naman siya sa usapan ng dalawa kahit pa ramdam niya ni Selendria. Sa tuwing sasalubungin niya ang tingin nito ay hindi man lang ito natitinag at para bang nanghahamon sa kaniya ng away.
Hindi naman niya ito papatulan dahil alam niya kung ano ang lugar niya sa buhay ni Lavi. Nakakatawa na alam naman pala nitong siya ang nobya nito ngunit kung umasta at makapagsalita kanina ay para ba siyang isang empleyado lang. Noon lang siya nakaengkwentro ng ganoong tao. Kahit si Sofia, walang laban sa kakapalan ng mukha ng is
