CHAPTER 28
DIRETSO LANG ang lakad ni Kirsten habang nilalandas niya ang daan patungo sa opisina ni Anthony. Nanlalamig ang mga kamay niya dahil kabado siya. Hindi sa kung anong sasabihin ng boyfriend niya kung hindi dahil nandoon si Lavi.
May mga bumabati sa kaniya na mga nakakasalubong niya. Ginagantihan niya iyon ng simpleng ngiti at bahagyang kaway.
"Kirsten!" May tumawag sa kaniya kaya nilingon niya iyon. Si Mommy Pitchie. "Bakit nandito ka pa?"
"Pinapapunta ako ni Anthony sa taas. Ikaw?"
"E may nakalimutan ako rito. May dala kang car?"
Tumango siya. "Yes. Ikaw?"
"Meron din. Mauuna na ako ha? Bilisan mo ha? Hihintayin ka namin sa location."
"Sige, mommy. Ingat ka." Muli siyang nagpatuloy sa paglalakad hanggang sa makapasok siya sa elevator.
May dalawang babae ang nandoon. T
