CHAPTER 27
HINDI ALAM ni Kirsten kung saang lugar siya dinala ni Lavi. Basta malawak ang daan at may mga puno pa naman ngunit ang kinamangha niya ay ang tanawin mula sa pinagparadahan nila ng sasakyan. Hindi sila kaagad bumaba ng sasakyan ngunit patay na ang makina. Tumingin sa kaniya si Lavi.
“Naisip na mas makakapag-usap tayo kung sa ganitong lugar tayo pupunta. Tahimik saka maganda ang tanawin,” anito.
Ngumiti siya rito saka muling tinuon ang atensyon sa harapan ng sasakyan. Parang mga Christmas lights ang mga natatanaw niyang ilaw ng citylights. Aaminin niyang tama ang sinabi nito. Pakiramdam niya ay gumaan ang pakiramdam niya sa ganitong lugar.
“Baba tayo?” tanong ni Lavi sa kaniya kaya tumango siya.
Binuksan ni Kirsten ang pinto saka siya bumaba. Ganoon din ang ginawa ni Lavi n
