Kabanata 19 - Pirates Pepper Chua
Pupungas-pungas akong tumayo nang maramdaman ang pananakit sa tagiliran ko. Kinapa ko naman ito at saka nalaman na may benda na palang nakakabit dito.
Nilibot ko ang paningin sa paligid, nakahiga rin sa tabi ko si Taka at sa hindi kalayuan ay natatanaw ko si Wrap. Kung hindi ako nagkakamali.
Sinubukan kong tumayo at nilapitan siya. Mukhang may tinatanaw ito mula sa malayong parte ng dagat kaya dahan-dahan akong nagsalita.
"Ahm... Wrap?" pagtawag ko sa kaniya.
Napatingin naman siya sa 'kin at bahagyang nanlaki ang mga mata. Tumayo siya at pinagpag ang pang-ibabang suot.
"Ikaw pala. Kumusta naman 'yang tagiliran mo? Sorry ah, nilagyan ko ng benda? Dinadaing mo kasi 'yan kanina lang kaya ayan. Huwag ka mag-alala! Wala naman akong nakita," sabi niya,
