Kabanata 18 - The lost island Kasalukuyan silang naglalayag gamit ang barko na ibinigay sa kanila ni Sophia. Matibay ito hindi gaya ng inaasahan nila. Makapal ang railings nito kaya naman sigurado silang hindi sila agad-agad tatangayin kung may malakas na hangin ang dumaan.
Samantala, nakatali pa rin ang dalawang pulis. Wala rin kasi silang ideya kung bakit kailangan pa.
"Tanggalin na kaya natin itong nakatali sa kanila? Naaawa ako sa posisyon nila, para silang mga caterpillar na malapit nang maging Paru-paro," sabi ni Chanel habang nakaupo sa sahig at pinagmamasdan ang dalawang pulis na nagngangalang Gummy at Wrap.
"Hindi dapat natin sila galawin hanggang sa hindi sila nagsasalita. Kasalanan naman nilang dalawa, kanina pa tinatanong pero ayaw namang sumagot," sabi ni V. Nakatingin siy
