Kabanata 20 - Fairy "So, nandito na ang lahat," panimula ni Skip. "Natutuwa ako dahil kahit papaano ay nalampasan natin ang kung anumang bagay na iyon. Nagkaroon na rin ng konklusyon sa mga isip namin kung sino sila. Sa tingin ko naman ay may ideya na rin kayo, hindi ba?"
Nagsitango naman ang lahat sa kaniya.
"Alam nga natin kung sino sila pero hindi naman natin alam kung paano natin sila malalabanan. Ni hindi nga natin alam kung buhay pa ba sila o mga bangkay na lang na gumagalaw," sabi ni V sa hindi kalayuan.
"Hindi natin malalaman ang sagot kung hindi natin susubukan. At isang paraan lang ang naisip kong gawin."
Napatingin naman sila dahil sa sinabi ni Skip. Tanging siya lamang kasi ang nakaiisip ng paraan sa ganitong sitwasyon.
"Ano naman ang gagawin natin? Lulusob at hahayaang
