"KUYA, may problema ba?" tanong ni Kendra kay Reese nang madaanan niya ito sa sala. Nakita nito marahil ang madilim na ekspresyon ng kaniyang mukha.
Tumigil lang siya sandali para tingnan ang kapatid. "Wala. Aalis lang sandali si Kuya," aniya at saka nagmamadali nang umalis.
Wala rin naman sa hardin si Asyong at wala na siyang oras para hanapin pa ito sa buong mansiyon o kaya ay tawagan. Kailangan na niyang makalayo roon at naninikip na ang kaniyang dibdib.
Nagmaneho siya ng kaniyang sasakyan habang hindi alam ang eksaktong patutunguhan. Hanggang sa matagpuan niya ang kaniyang sarili na pumapasok sa isang kubo na nasa gitna ng mango plantation na matatagpuan din sa Hacienda Ramona. Doon ay hindi niya nakontrol ang muling pagtulo ng kaniyang mga luha at ang pagkabuhay ng hinanakit sa k
