"PATAWARIN mo ako kung hindi ko natupad ang pangako ko noon na hindi na muling magpapakita pa sa inyo," narinig ni Reese na sagot ni Felix sa kaniyang ama sa pagkalipas ng ilang segundo, sa Canadian accent. "I tried to. But I hardly can't this time. Your Uncle Ross and the company need you."
"Sabi na nga ba, eh," boses ng ama niya na may kalangkap na galit, "siya ang nagpadala sa'yo rito."
"Ginagawa niya lang ito para sa ama mo, Kieran. At gano'n din ako."
"Alam n'yo na matagal ko nang tinalikuran ang mundong iyan, Felix. At sigurado ako na matagal nang naintindihan ng daddy ko ang naging desisyon ko. Kaya sana, maintindihan mo rin."
"Ibig sabihin, hindi mo kami matutulungan? Kahit para sa ama mo?"
"Hindi."
Napalunok si Reese, kasabay ng pagkuyom ng kaniyang mga kamay. Isang masakit
